صور الفصل التعسفى
🏵️..فيه مفهوم لدى بعض العمال ان الفصل معناه صدور قرار مكتوب بالفصل من صاحب العمل
..او انه يتشال من التامينات
وبيتخيل انه ميقدرش يثبت واقعه الفصل الا بصدور قرار من الاداره او الغاء اشتراكه بالتامينات
وده طبعا مفهوم غلط
لان مفيش اداره بتصدر قرار فصل
..لان الفصل قانونا لا يصدر الا من القضاء ..
🌺انما صاحب العمل يملك انهاء علاقه العمل طبقا لشروط العقد لو العقد انتهت مدته وطبقا لمانص عليه العقد يعنى العقد لو قال اخطار قبل الانهاء يبقى لازم اخطار
..وده مش فصل طالما تنفيذ لشروط عقد العمل
.🏵️. صاحب العمل علشان يفصل العامل لازم لخطاء ارتكبه العامل
..مثل الغياب .او التعدى الجسيم على الرئيس المباشر
او الاعتداء على صاحب العمل او تكرار مخالفه التعليمات المكتوبه والمعلنه
.او افشاء اسرار العمل .او منافسه صاحب العمل فى نشاطه
.او وجوده وقت العمل فى حاله سكر
.او الاضراب دون اتباع الاجراءأت
وكل الحالات دى لا تعنى صدور قرار بالفصل ولكن توجب على صاحب العمل توجيه دعوى للمحكمه بطلب فصل العامل ..يعنى مينفعش يفصله من تلقاء نفسه
🏵️فيه حالات فصل تعتبرها تعسفى وانت مغمض ..منها التاخير فى سداد الاجر وبتكرار
🌺..مخالفه صاحب العمل لشروط عقد العمل او اتفاقيه العمل الجماعيه
🌺..منع العامل من العمل بسبب شكوى سابقه او دعوى اقامها ضد صاحب العمل
.تعدى صاحب العمل على العامل او اسائه معاملته او تعديه على احد من ذوى واهل العامل
.او فصل العامل بسبب دينه او رايه السياسى
او نوعه ذكر او انثى… حرمان العامل من حقه فى الاجازات على الاقل ١٥ يوم سنويا
تكرار توقيع الجزاءات والخصومات على العامل دون مبرر ودون ضمانات للتحقيق..تغير مهنه العامل او نقله دون ضروره
كل تلك الحالات لو ترك العامل العمل من تلقاء نفسه يعتبر انهاء لعلاقه العمل من صاحب العمل وبسببه
