قضايا المستبعدين من القبول بقسم الضباط المتخصصين وكلية الشرطه
قضايا المستبعدين من القبول بقسم الضباط المتخصصين وكلية الشرطه
ما هى قضايا الطعون للمستبعدين من الالتحاق بكليه الشرطه وكذا المستبعدين من القبول بقسم الضباط المتخصصين _حقوق _ باقي التخصصات
– سوف نتناول كل ما يخص قضايا الطعن للمستبعدين من الالتحاق بكليه الشرطه وكذا المستبعدين من القبول بقسم الضباط المتخصصين _حقوق _ باقي التخصصات من خلال أسئلة وأجوبة عامة لمعرفة أهم الاسئلة التى تسأل بهذا الشأن : –
س- ايه هي قضايا الشرطة ؟
ج – هي دعوي قضائية مضمونها المطالبة بقبول الطالب في اكاديمية الشرطة التي اجتاز جميع الاختبارات
وكان يستحق القبول باكاديمة الشرطة ولكن لم يقع عليه الاختيار
س- ما هي معايير قبول الطلبة المتقدمين لأكاديمية الشرطة ؟
ج- معايير الاختيار وقبول المتقدمين هي المجموع الاعتباري بالاضافة الى التحريات
والمجموع الاعتباري ده بيتكون من ثلاث عناصر
۱ -مجموع الطالب في شهادة الثانوية وبيتكون من ١٠٠ درجة او مجموع الثانوية والكلية بالنسبة للمتخصصين وبيتكون من ٢٠٠ درجة
۲ -مجموع اختبار السمات وبيتكون من ١٠٠ درجة
۳ -مجموع اختبار الرياضي وبيتكون من ١٠٠ درجة
اذا المجموع الاعتباري ٣٠٠ درجة لطالب الثانوية وللطلبة المتخصصين ٤٠٠ درجة
س- طيب انا نجحت في الاختبارات دي كلها لماذا لم يتم اختياري ؟
ج- لان الكلية لو محتاجه عدد ٢٠٠٠ طالب وتم اجتياز الاختبارات حوالى ١٠٠٠٠ االف طالب بالتالي بيتم
اختيار اعلي ٢٠٠٠ طالب في المجموع الاعتباري بعد التاكد من سلامة تحرياتهم
س- طيب انا كان معايا طلبة اتقبلوا وانا كنت افضل منهم في الاختبارات وكمان مجموعي في الثانوية او الكلية اعلي منهم؟
ج- لو انت شايف انك اتظلمت وكنت تستحق القبول بالاكاديمية هنا بيجي دور المحامي من خلال رفع
دعوي قضائية
س- طيب انا لو كسبت القضية هعمل اختبار تاني في الكلية ولا بدخل علي طول من غير اختبارات ؟
ج- في حالة لما اكسب القضية لن يتم عمل اي اختبارات للطالب وانما يتم قيده مع الدفعة الجديدة مباشرة
قضايا المستبعدين من القبول بقسم الضباط المتخصصين وكلية الشرطه
س- دي كانت اول سنة ليا اقدم هل لو رفعت قضية هتضرني لو قدمت السنة الجاية ؟
ج- ليس للدعوي القضائية اي ضرر علي الطالب بل بالعكس لها عدة مميزات
– لما نجيب ملف الطالب من الاكاديمية امام المحكمة بنطلع علي التحريات ونشوف اذا كانت سبب في استبعادة واذا كانت السبب بنشوف القضايا اللي موجوده في تحرياته ونخلصها قبل ما يقدم للمرة التانية عشان تكون تحرياته سليمة أو هو ايه السبب الرئيسي في استبعاده
– تاني حاجه بنطلع علي مجموع الطالب الاعتباري ودرجاته في الاختبارات ونبلغه بالاختبارات اللي
نتايجه مكنتش كويسه فيها عشان يشتغل علي نفسه ولما يقدم مره اخري يكون مستعد بشكل تام
– وطبعا لو كسبنا القضية مش هيحتاج يعمل اختبارات تاني وهيدخل مع الدفعة الجديدة
س- نسبة نجاح القضية كام في المية وبتاخد وقت قد ايه ؟
ج – اجابة السوال ده متوقفه عليك انت كل ما كان مجموعك الاعتباري عالي اللي هو درجاتك في الثانوية
او الثانوية والكلية للمتخصصين كويسه باالاضافة انك تكون حصلت علي نتائج عاليه في اختبارات الاكاديمية وتحرياتك سليمة بالطبع فرصتك كبيره جدا لمكسب القضية
– اما عن وقت القضية في العادي من ۸ شهور لسنة ودا علي حسب نظام سير العمل بالمحكمة والدائرة القضائية اللي بتنظر الدعوي.
