تعرف ايه عن الفـعل الفاضــح؟ ويعني ايه خــدش حيــاء؟ عمرك سمعت عن الكلام ده ؟ هي فيه جرايم اسمها كده ؟
.
دايمًا بتسمع في المسلسلات أو الأفلام عن حاجة اسمها فـعل فاضــح وممكن بالصدفة يكون عدى عليك حاجة اسمها خــدش حيــاء، مكن تخدش عربية وتمشي عادي لكن تخــدش حيــاء ازاي ده !
تعرف ايه عن الفـعل الفاضــح؟ ويعني ايه خــدش حيــاء؟
.
في البداية هنتكلم عن جريمتين مش مشهورين والأغلب محدش يعرف عنهم حاجة وهما”فـعل فاضــح، خد.ش حياء”.
.
ونبدأ بتعريف جريمة خــدش حيــاء ونقول: هو أي فعل أو قول أو إشارة… (طب كده كل الناس هتتحبس؟ لأ) نكمل التعريف.. الأفعال دي ترتكب بغرض جن.سي وتعمل على تغير أو إنكسار أو انقباض النفس للمتلقي على غير هواه، والفعل ده بيكون بدون اتصال مادي مباشر -يعني بدون لمس-
.
ايه الكلام المعقد ده.. وضحلي بإختصار؟
- بمعنى تاني خــدش حيــاء هو أي حركة هتعملها بقصد جنــسي عشان تخــدش حيــاء شخص تاني سواء كلمة قولتها أو إشارة أو فعل ومش لازم تلمسه زي التحر.ش مثلًا لأ الجريمة بتحصل من بعيد بدون اتصال مادي مباشر.
.
طب زي ايه؟ - زي تعابير معـاكـسات، أو حركات باليد، أو كشف العورة، أو إجبار المجني عليه مشاهدة فعل جنــسي، أو لقطات إباحية، أو حتى النظر للشخص بشهوة، أو الإتيان بحركات في الوجه تعطي تلميحات جنــسية زي إنك تضغط بالفك العلوي على الفك السفلي – حركة حمدي الوزير أيوة- :”
.
امال جريمة الفـعل فاضــح معناها ايه؟ - الفـعل فاضــح نفس أفعال خــدش حيــاء بالظبط ولكن شرط وجود العلانية وإنه يكون متاح أن الناس تشوفه من العام، وكمان مش شرط رضى المجني عليه، يعني لو ولد وبنت في الشارع وبيعملوا فعل فاضح هيتعاقبوا برضه حتى لو راضين.
.
زي ايه؟ - زي التقبيل في الشارع أو السيارة أو ممارسة الجنــس أو حتى كشف العورة، والجدير بالذكر أن مش لازم يكون الشارع فاضي مفيش ناس لأن القانون بيعاقب على الفـعل فاضــح لو حصل في مكان عام وكمان لو في مكان من المحتمل إن الناس تشوف الفعل ده.. سواء فيه ناس أو لأ.
.
ومن ناحية تانية الفرق بين الجريمتين أن الفـعل فاضــح يشترط العلانية، أما خــدش حيــاء فبيعتبر جريمة حتى لو في غير العلانية، وممكن نقول مثال يوضح الفرق بين الاتنين.. وهو إن لو راجل كبير قام بتقبيل بنته في المطار وهي مسافرة فهنا مفيش جريمة رغم انه قدام الناس ولكن هنا يعتبر الموقف ليه ظروف تانية، أما لو راجل كبير قام بتقبيل بنت في الشارع غريبة ففي الحالة دي تعتبر جريمة فـعل فاضــح في طريق عام رغم أن الاتنين نفس الفعل.
.
طب ايه العقوبات المقرر لكل جريمة من دول؟ - القانون نص على العقوبات في 3 مواد تقدر تحفظ أرقامهم وهما “306، 278، 279” المواد التلاتة دول المشرع وضع فيهم العقوبة وبإختصار مادة 306 كانت خاصة بخدش الحياء ونصت على: “كل من تعرض لشخص بالقول أو بالفعل أو بالإشارة على وجه يخــدش حيــائه في طريق عام أو مكان مطروق”. والعقوبة كانت لا يقل عن 6 أشهر ولا تجاوز سنتين وغرامة لا تقل عن 500 ولا تزيد عن 1000 جنية.
.
ومادة 278 الخاصة بالفـعل فاضــح نصت على:” كل من فعل علانية فعلا فاضحا مخلا بالحياء يعاقب بالحبس مدة لا تزيد على سنة أو بغرامة لا تتجاوز ثلاثمائة جنيه.
ومادة 279 كانت خاصة بالمرأة ونصت على:”على أنه يعاقب بعقوبة الفـعل فاضــح العلني كل من ارتكب مع امرأة أمرًا مخلا بالحياء ولو في غير علانية.
التعرض لأنثى على وجه يخدش حياءها بالقول أو بالفعل
1- تمهيد
2- أركان الجريمة
3- العقوبة
ــــــــــــــــــــــــــــــــــــــــــــــــــــــ
يعاقب بالحبس مدة لا تقل عن ستة أشهر وبغرامة لا تقل عن ثلاثة آلاف جنيه ولا تزيد على خمسة آلاف جنيه أو بإحدى هاتين العقوبتين كل من تعرض للغير في مكان عام أو خاص أو مطروق بإتيان أمور أو إيحاءات أو تلميحات جنسية أو إباحية سواء بالإشارة أو بالقول أو بالفعل بأية وسيلة بما في ذلك وسائل الاتصالات السلكية أو اللاسلكية.
وتكون العقوبة الحبس مدة لا تقل عن سنة وبغرامة لا تقل عن خمسة آلاف جنيه ولا تزيد على عشرة آلاف جنيه أو بإحدى هاتين العقوبتين إذا تكرر الفعل من الجاني من خلال الملاحقة والتتبع للمجني عليه.
وفي حالة العود تضاعف عقوبتا الحبس والغرامة في حديهما الأدنى والأقصى.
ـــــــــــــــــــــــــــــــــــــــــــــــ
دأب بعض فاسدي الخلق على معاكسة الفتيات والسيدات وغيرهن في الطرق والأمكنة العامة حتى أصبحت هذه المعاكسة عادة ولونا من ألوان التسلية لهم ، وترجع هذه الظاهرة إلى تحلل من معايير الأخلاق “.
” ونظرا لأن النصوص الحالية الواردة في قانون العقوبات قد لا تنطبق على أنواع معينة من المضايقات التي تقع من هؤلاء الفاسدين على غيرهم فقد رؤى إضافة مادة جديدة إلى قانون العقوبات لعقاب كل من تعرض لأنثى بالقول أو بالفعل في طريق عام أو مكان مطروق على وجه يخدش الحياء .
ـــــــــــــــــــــــــــــــــــــــــــــــــــ
• أركان الجريمة
الركن المادي : ويتمثل هذا الركن فى قيام الجانى بالتعرض المادى أو المعنوى أو القولى فيقع التعرض للأنثى بالقول وبالفعل سوءا بإشارات توجه إليها أو بحركات تخل بالحياء العام للإناث عموما .
ويتم التعرض أيضاً بأية وسيلة بما في ذلك وسائل الاتصالات السلكية أو اللاسلكية.
ـ وقوع الجريمة في طريق عام أو مكان مطروق :
يجب لتوافر أركان هذه الجريمة أن تصدر الأقوال أو الأفعال التي تخدش حياء الأنثى في طريق عام أو مكان مطروق.
القصد الجنائي : يتخذ صورة العمد فالجريمة عمدية ، لأن التعرض لأنثى بقول أو بفعل خادش لحيائها ، معناه تعمد هذا القول أو الفعل.
ـــــــــــــــــــــــــــــــــــــــــــــــــــــــــــــ
• عقوبة الجريمة :
الحبس مدة لا تقل عن ستة أشهر وبغرامة لا تقل عن ثلاثة آلاف جنيه ولا تزيد على خمسة آلاف جنيه أو بإحدى هاتين العقوبتين .
الظرف المشدد للجريمة :
الحبس مدة لا تقل عن سنة وبغرامة لا تقل عن خمسة آلاف جنيه ولا تزيد على عشرة آلاف جنيها و بإحدى هاتين العقوبتين إذا تكرر الفعل من الجاني من خلال الملاحقة والتتبع للمجني عليه.
