محامي متخصص في قضايا التجنيد في مصر

محامي متخصص في قضايا التجنيد في مصر

– الفرق بين الهروب من التجنيد والتخلف عن التجنيد 

محامي قضايا التجنيد – الفرق بين الهروب من التجنيد والتخلف عن التجنيد 

مؤسسة حورس للمحاماه  

كل الأسئلة اللي عاوز تعرفها عن التهرب من التجنيد وعقوبته ومتى تنقضي والفرق بين التخلف عن التجنيد والهروب منه ..

الخدمه العسكريه في مصر (الهروب من التجنيد )

س1 : ما هو التخلف عن التجنيد ؟

ج 1 : هو عدم التقدم للتجنيد في السن القانوني أو كان قد تقدم للتجنيد و لكنه لم يستكمل إجراءات التجنيد ( لم يتسلم الزي الميري و يلتحق بسلاح معين )

س2 : ما هي عقوبة التخلف عن التجنيد ؟

ج 2 : الحبس او الغرامة و غالبا ما تكون الغرامة و تتراوح قيمتها بين 3 آلاف جنيها و 10 آلاف جنيها حسب العذر المقدم من المتخلف عن التجنيد , و يفضل أن يتم اصطحاب محام في تلك الحالة لأن المتخلف عن التجنيد يتم التحقيق معه و تحديد جلسة له .

س3 : ما هو السن القانوني التخلف عن التجنيد ؟

ج3 : تبدأ منذ بلوغ المتخلف عن التجنيد 30 سنة و يوما واحدا .

س4 : ما هو الهروب من التجنيد ؟

ج4 : هو ان يكون المجند قد استلم الزي العسكري وعرف السلاح الملتحق به .

س5 : ما هي عقوبة الهروب من التجنيد ؟

ج 5 : عقوبة الهروب من الجيش الحبس او الغرامة , فإذا تم القبض على الهارب من التجنيد فإنه يتم حبسه و يستكمل فترة تجنيده أما إذا كان قد سلّم نفسه في السن القانوني لذلك فيتم الحكم بالغرامة .

س6 : ما هو السن القانوني للسير في إجراءات الهروب من التجنيد ؟

ج6 : إذا كان الهروب قد تم قبل 1/4/ 2004 فإن السن القانوني 30 سنة و يوما واحدا أما بعد هذا التاريخ السن القانوني لذلك هو 36 سنة .

س7 : متى تنقضي عقوبة التخلف عن التجنيد ؟

ج 7 : تنقضي ببلوغ المتخلف عن التجنيد 45 سنة و يوما واحدا ( فلا يتم حبسه وتغريمه في تلك الحالة )

س8 : ما هي حالات الإعفاء النهائي من التجنيد ؟

ج 8 : 1- من لا تتوافر فيهم اللياقة الطبية لتلك الخدمة.
2- الأبن الوحيد لأبيه المتوفى أو الغير قادر نهائياً على الكسب.
3- أكبر المستحقين للتجنيد من أخوة أو أبناء المواطن الذي استشهد أو أصيب بإصابه تعجزه عن الكسب نهائياً بسبب العمليات الحربية.
4- أكبر المستحقين للتجنيد من إخوة أو أبناء الضابط أو المجند أو المتطوع الذي توفى بسبب الخدمة أو الذي أصيب بمرض أو عاهة بسبب الخدمة وكان من شأنها تجعله عاجزاً نهائياً عن الكسب.
5- من يتجاوز سن الثلاثين وهو مازال متمتعاً بسبب من أسباب الإعفاء المؤقت.
الدكتور/عبدالرحمن القبيصي المحامي
س9 : ما هي حالات الإعفاء المؤقت من التجنيد ؟

ج 9 : 1- الأبن الوحيد لأبيه الحي ويعتبر فى حكم من كان إخوته غير قادرون على الكسب نهائياً.
2- العائل الوحيد لأبيه الغير قادر على الكسب وكذا العائل أخيه أو إخوته الغير قادرين على الكسب.
3- العائل الوحيد لأمه الأرملة أو المطلقة طلاقاً بائناً أو كان زوجها غير قادر على الكسب.
4- العائل الوحيد لأخته أو أخوته غير المتزوجات.
5- أكبر المستحقين للتجنيد من إخوة أو أبناء الضابط أو المجند أو المتطوع أو المواطن الذى فقد بسبب العمليات الحربية ويزول هذا الإعفاء بمجرد عودته أو ثبوت وجوده على قيد الحياة ويعامل الغائب فى العمليات الحربية معاملة المفقود ألى أن يتضح موقفه وفى جميع حالات الإعفاء المؤقت يزول الإعفاء بزوال سببه ويجب على كل من زال عنه سبب الإعفاء أن يقدم نفسه إلى منطقة التجنيد والتعبئة المختصة خلال ثلاثين يوماً من تاريخ زوال السبب لمعاملته تجنيدياً بما يستحق.
6- إذا جند أحد الأخوين أو الأخوة أو استدعى للخدمة في الإحتياط، يعفي مؤقتاً من الخدمة العسكرية الإلزامية العاملة الأخ الأخر أو أكبر الأخوة الباقين بعد استبعاد غير القادرين منهم على الكسب، ويشترط ألا يكون من بين الأخوة اي متخلف عن التجنيد أو جاوز الثلاثين أو أخ معفي من التجنيد. ويزول الإعفاء بإنتهاء خدمة المجند الإلزامية أو فترة استدعائه للخدمة في الإحتياط أو عند فراره أو زوال عدم القدرة على الكسب .
و فى جميع حالات الإعفاء المؤقت السابقة يزول الإعفاء بزوال سببه، ويجب على كل من زال عنه سبب الإعفاء أن يقدم نفسه إلى منطقة التجنيد والتعبئة التابع لها فى خلال ثلاثين يوماً من تاريخ زوال السبب لمعاملته تجنيدياً بما يستحق.

اولا :-  الشخص المتخلف عن التجنيد هو الشخص اللي مارحش من الأساس للجيش و مقدمش اي أوراق للتجنيد

وقتها حلك الوحيد انك تستني لسن الثلاثون عام و بعدها بيوم واحد تقدر انك تتقدم باوراقك للتجنيد و منها المحكمه العسكريه اللي هتخبطك غرامه من ٣٠٠٠ جنيه الي ١٠٠٠٠ جنيه …

ايه هي بقي الخطوات اللي هتعملها عشان تخلص موقفك التجنيدي بعد ما تعدي سن التلاتين .

أ : الأوراق_المطلوبة : –

– صحيفة الحالة الجنائية
– البطاقة الشخصية (رقم قومي)
– بطاقة ٦ جند (لإثبات الرقم التجنيدي – الرقم الثلاثي)
– و خلي معاك شهادة الميلاد وشهادة التخرج احتمال يطلبوها منك و ده نادرا

ب : الاجراءات : –

– حاول تروح منطقة التجنيد بدري عشان يومك يوم مش سهل و تلحق تخلص
– اول ما توصل تسأل عن المكان اللي بينهي معاملات تخلف التجنيد
– اشتري دوسيه تخلف تجنيد هتلاقي جوه الدوسيه ورقة صفراء (نموذج ٦ جند معدل) وورقتين لنموذج التحقيق وإيصال استلام مستندات
– وبعد كده تروح الشباك تقدم الطلب
– هتاخد منهم إيصال الاستلام بعد الختم ويقولك تعالي بعد أسبوع
خلال الأسبوع ده هيتحروا عنك إذا كنت قد قمت بالكشف الطبي قبل كده أو لديك تأجيل لأي سبب
– بعد الاسبوع هتروح إلى منطقة التجنيد و تروح لنفس الشباك وتديلوا الإيصال الذي أخذته منه الأسبوع اللي قبله هيطلب منك صحيفة الحالة الجنائية وصورتين منها وصورتين البطاقه الشخصيه و تاخد ورقة التحريات و تحطها في الدوسيه
– هتروح بعد كده إلى مكتب الأمن لختم ورقة التحريات
– وبعدها هتطلع علي مكتب التحقيقات وذلك للتحقيق معاك حول تخلفك عن التجنيد (مجرد إجراء روتيني)
– وفي مكتب التحقيقات هياخد منك الدوسيه ويطلع على بطاقتك الشخصية للتأكد و هيسالك كام سؤال عن سبب انك ماروحتش التجنيد(في اغلب الحالات يقوم هو بملء الإجابات من غير ما يسالك )
– بعد كده هيديلك إعلان للذهاب إلي المحكمة العسكرية بعد أسبوع أيضا ، وهذا الإعلان خاص بموعد لتحديد الجلسة الخاصة بك
– بعد مرور الأسبوع هتروح إلى المحكمة و تتوجه مباشرة إلى مكتب النيابة العسكرية و هياخدوا منك البطاقة الشخصية والإعلان للجلسة و هتستني شويه و بصراحه هتستني شويتين تلاته
– بعد كده هينادوا علي الأسماء و هتدفع مبلغ ۳ جنيهات وتأخذ البطاقة والإعلان اللي مكتوب فيه تاريخ و ميعاد الجلسه .
-يوم الجلسه تروح بدري و هيتنادي الأسماء و هيتاخد حضور و غياب و الجلسه هتشتغل هتلاقي القاضي بيسالك عن سبب تخلفك عن التجنيد نصيحه حاول متحورش عليه و قول الحقيقه عشان عدي عليه كتير
– بعد مثول الجميع أمام القاضي ، هيقوم القاضي بقراءة الأسماء والحكم بقيمة الغرامة
– هتلاقي فرد من الشرطة العسكرية بينادي لأسماء ثاني و يشوف مين معاه الغرامه (حاول إن تأخذ مبلغ الغرامه معاك)
– يقوم كل من يريد الدفع بالتوجه إلى الخزينة مع فرد الشرطة العسكرية ، حيث يقوم المسؤل بأخذ المبلغ وإعطائك إيصال رسمي بالقيمة المدفوعة
– بعد الدفع هتاخد ميعاد تاني عشان تاخد صورة من الحكم و ترجع بيها إلى منطقة التجنيد لاستخراج الشهادة

ثانيا : الشخص اللي يعتبر هارب من التجنيد يعني واحد دخل الجيش ومثلا نزل اجازه وما رجعش و ده قصه تانيه خالص

ده لو اتمسك من الشرطه العسكريه هيقضي جيشه و هيتحكم عليه بتهمة الهروب و هيتحبس في السجن الحربي
ولو اتمسك من الشرطه العاديه هيترحل للشرطه العسكريه ونفس القصه برضوا
طيب لو فضل هربان ومتمسكش وعدي الثلاثين سنه يقدر يدفع الغرامه زي المتخلف عن الجيش ؟؟؟
الاجابه …

لا طبعا لازم يعدي سن ۳٦عام ويتقدم لمحاكمه عسكريه و هيتحكم عليه بالغرامه .

واخيرآ نصيحه محدش يستهون بالموضوع لأن طول الفترة ديه بيكون المتخلف او الهربان من التجنيد مستقبله واقف تمامآ اي شغل اي سفر للخارج و السفر لبعض المحافظات في مصر كل دول محتاجين شهادة الجيش يعني فرص بتضيع علشان مش قادر تستحمل سنة او اثنين او ثلاثه حسب فترة تجنيدك فتضيع باقي العمر .

– هل يتم القبض على المتخلف عن التجنيد .                – التخلف عن التجنيد بعد الكشف الطبي .
– القبض على الهارب من التجنيد .                                – التخلف عن يوم الترحيل .
– عقوبة التخلف قبل سماع السلاح .                            – شكل شهادة التخلف عن التجنيد .
– الفرق بين التخلف والهروب من التجنيد .                    – حل الهروب من الجيش ۲۰۲۰