ما لا تعرفه عن التمكين

ما لا تعرفه عن التمكين..

• في حالة تنفيذ الزوجة قرار التمكين المشاركه فمن المحتمل أن تتعرض للحبس

إذا قامت بنقل المنقولات لانه يتم عمل محضر #جرد بمحتويات الشقة ..

• فلذلك يفضل حضور الزوج عند التنفيذ ليكون الإمضاء من الطرفين .

• أيضا عند إنتهاء سن الحضانة وزوال الاثر القانوني للتمكين لابد أن يمضي المطلق للمطلقة انه استلم المنقولات .

• في حالة عدم مراعاه هذه الملحوظات فمن الممكن ان يتم تحرير محضر تبديد للمطلقة في حالة تلف المنقولات او نقصها .

أسئلة وأجوبة عن كل ما يخص قرارات التمكين

=========================

قرارات التمكين ….. يعنى ايه قرار تمكين ..؟ يعنى القانون أعطى للنيابة العامه متمثله فى المحامى العام سلطة إعطاء قرار بتمكين أحد الأشخاص من شىء من حقه ولو بالقوة الجبريه وفقا للقانون … يعنى ايه ؟ يعنى لو حضرتك عندك بيت أو شقه أو محل واتفاجئت أن فى ناس طردتك وقالتلك أن المكان ده ملكنا تعمل ايه … تعمل محضر وتطلب قرار تمكين ويصدر القرار بناء على شهادة الشهود وتحريات المباحث … يعنى لو الشهود والتحريات قالو صحة اقولك حتاخد قرار تمكين وحيتنفذ بالقوة الجبرية وفى وجود قوه من الشرطه والكلام ده فى فتره قصيره جدا …. يعنى قرار التمكين ده مش للمتجوزين والمطلقين وبس … لا طبعا ده لكل الناس وقرار التمكين يصدر بكل حاله على حدا مثلا ..

فى حالة غصب الحيازه يصدر قرار التمكين لمن ثبتت حيازته حيازه هادئه مستقره … فى حالة استمرار العلاقه الزوجيه يصدر قرار التمكين بالمشاركه بين الزوج والزوجة …. فى حالة الطلاق يصدر قرار التمكين للحاضنه منفردا بدون الزوج يعنى حتاخد الشقه لوحدها …. ونقول توضيح بسيط قرار التمكين ليس دليلا على الملكيه إنما هو قرار مؤقت خوفا من زوال الحق أو إلحاق ضرر بالغير … يعنى ماتخافيش ان الشقه بتاعت الزوجيه مش باسم جوزك أو كانت ايجار قديم أو جديد أو كانت حتى باسم أبوه … كده كده حتاخدى تمكين … ويجوز طبعا لصاحب المصلحه رفع دعوى موضوعيه لإثبات خلاف ذلك أو الاعتراض القانونى على ذلك القرار …. وحاول تبقى حذر وانت بتشترى شقه اوعى يبعلك بقرار تمكين ويقولك انا معايا قرار من المحامى العام أن الشقه شقتى. .. أسأل نفسك وقتها ولما هى شقته حصل عليها نزاع ليه ورحت للمحامى العام وأخذت قرار تمكين

———————————————-

س: طب هل إذا تركت الحاضنه منزل الزوجيه لفتره طويله ثلاثة أعوام بدون حيازه فعليه – هل يمكن ان تطلب التمكين منها بعد ذلك

ج: مدام مسكن الزوجيه يبقى حتتمكن

س: طب أنا معايا قرار تمكين لانى حاضنه وجوزى كان بايع الشقه من حوالى سنه ونص ومكنتش أعرف ودلوقتى صاحب الشقه عايزها إيه الوضع ممكن يطلعنا من الشقه

ج: لا حتفضلى متمكنه

س: وكده الشقه راحت عليه يعنى

ج: هو بيرجع على إلى باعله الشقه يافندم

————–

س: حتي لو مش معاها عقد ايجار ؟

ج: حتى ولو

س: طيب معلش هو تقريبا القرار ده بياخد وقت قد ايه ؟

ج: شهرين أن شاء الله ويطلع

————–

س: طب فيه قطعت ارض جمبى وجارى بعه بس من 3شهور ون عيزه ينفع اتمكن منها ورفع قضيه ولا فالفاضى

ج: اعمل إنذار بحق الشفعه

————–

س: طب انا قاعده فشقه بمنزل كامل ملك حماتي ولما حصل خلافات رفعت قضيه طرد علي الرغم من اني مرفعتش تمكين واتحكملها بالطرد فعلا ايه هو وضعي بالضبط وايه اللي ممكن اعمله مع العلم ان الحكم ده بقاله سنه طالع وهي منفزتوش ووضعه ايه بعد الفتره دي بمعني هل من حقها تنفيزه بعد الفتره الطويله دي والا تحتاج ترفع تاني

ج: لو ده مسكن الزوجيه من حقك التمكين

س: ده مسكن زوجيه بس هي عملت عقد شكلي بينها وبين ابنها انه ماجر منها وهي عاوزه تطرده وراح الجلسه اقر بانه موافق قدام القاضي

ج: بردو حتاخدى تمكين

س: طب لو رحت ارفع تمكين هي هتروح تنفز حكمها وتخلص وعلي مامشي فاجرائات تمكين هتنفز هي الحكم اللي معاها

ج: ماهو حضرتك حتعملى أشكال فى التنفيذ ودعوى عدم الأعتداد بالحكم فى مواجهتك

س: يعني لو نزلي تنفيز اعمل اشكال وارفع عدم اعتداد بالحكم؟ ده قبل والا بعد التمكين بقي؟ للعلم انا حاضنه طفلين

ج: اعملى كله مع بعض دلوقتى

—————-

س: يعني التمكين للزوجة ممكن يتم حتى لو كانت شقة الزوجية باسم والد الزوج أو والدته مثلا؟؟

ج: مظبوط

—————-

س: حصلت علي تمكين اولي واخذت الطلاق وطبعا فتره سنه واربع شهور لن ادخل شفتيالزوجيه. سرق كل مافي الشقه وحاول يوهمني انه باع الشقه رحت عملت محضر كان ساعتها لسه الطلاق مختهوش مر اربع شهور علي المحضر لسه جيلي استدعي في النيابه مع العلم انا اخذت الطلاق حاليا ماذا افعلا واقول في النيابه معايا ورقه التمكين وورقه الطلاق ممكن يمكني من الشقه انا وابني في اد ايه من الوقت

ج: بعد الطلاق وانتهاء العده يكون التمكين للحاضنه منفرده

—————-

س: يعني أنا ممكن اروح أشتري شقه من واحد تكون زوجته واخده قرار تمكين عليها ..وتيجي تقولي دي شقتي يبقي انا فلوسي راحت عليا ؟

ج: حاجه زى كده

—————-

س: من فضلك بالنسبه لقرار تمكين من شقه زوجيه (تمليك باسم أبو الزوج ) تمكين بالمشاركه و بعد كده حصل خلع و ما تمش الحصول على تمكين منفرد و حاليا أبو الزوج رافع قضيه باسترداد الشقه على أساس أنها ملكه و هو كان مستضيف الابن تيسيرا للزواج هل ده من حقه؟

ج: اعملى تمكين منفرده

س: هى محجوزة للحكم ينفع اعمله قبل الاستئناف؟

ج: اه عادى

—————

س: بعد اذن حضرتك انا متمكنة من مسكن الزوجيو واصبح مسكن حضانة واخويا جه قعد معايا وفرش حاجته هل يمكن لزوجته عمل تمكين ع منزل الحضانة بتاعي لانها عملت مشكلة وبتقول انها هتاخدها

ج: مسكن الحضانه للحاضنه ازاى اصلا اخوكى يدخل شقه مش شقته الزوج لو عرف حتحصل مشكله وممكن يطردكم كلكم

—————

س: ولو الشقه بتاعت تمكين بقالها سنتين مقفوله ومش قعده فيها ممكن تتاخد منى

ج: غالبا لا

—————

س: لو الشقة ايجار قديم والمطلقة رفضتها وطلبت اجرسكن هل اجر سكن يكون في حدود ايجار القديم للشقة

ج: مش شرط

س: يعني لو الحاضنة قعدت ابوها واخواتها معاها ممكن تطرد لو ابو الطفل عرف

ج: لا مش شرط

—————-

س: طيب لو انا من غير قضايا رحت غيرت الكالون وقعدت في الشقه هل ممكن ياخد اجراء ضدي

ج: ممكن يضيع حقك فى القايمه

س: والدته مره قالتلي تعالي عشان تلمي حاجتك بنفسك وانا فعلا رحت واحنا طالعين كانت بتخبط على كل الابواب وبعدين قالتلي مش معايا مفتاح و روحت خايفه تكون حركه شهدو الناس فيها مع العلم انه قاعد في الشقه لدلوقت ومع العلم برده اني شفت بعض حجاتي في بيت والدته والشقه ايجار في المحافظه وبيت اهلي واهله في احد المراكز

ج: ده كمين

س: الافضل اعمل ايه تمكين ولا ارفع قايمه وممكن تضيع عليه ولا اخد اجر مسكن ولا ايه افضل

ج: الأفضل تروحي لمحامي

—————

س: قرار التمكين دا نهائى ولا مؤقت؟

ج: لحد ما فترة الحضانه تخلص أو تقبلى بأجر المسكن

—————

س: لو عقد بيع ولم يتم التسليم يجوز عمل محضر تمكين؟

ج: لا دعوى تسليم

س: طيب من فضلك لو التمكين دة صدر لزوجه وليست مطلقه لكن منفصله من فترة والزوج تزوج باخري وانجب والزوجه صاحبه التمكين عندها ولد ١٥ وبنت ١٧ ايه الوضع

ج: يطلبو أجر مسكن