متخافيش حقك في نفقة اولادك مش هيضيع
معقول حقي مش هيضيع ؟ معقول حقي مضمون ؟ 🙄 طب ازاي ؟!
انا هقولک ازاي
زوجات كتير بتبقى عايزة تطلق عشان زهقت من العيشه لأسباب معينه يرجع تقديرها ليها 🤦🏻 والزوج عشان يطلقها اجبرها على التنازل عن كل حقوقها وأولها نفقه الاولاد او حضانتهم
اطمنى
القانون حمي الاطفال وقال اي تنازل عن اي حق من حقوقهم فهوا باطل فمينفعش مثلا ودا بنشوفوا كتير يجي الاب ويتفق في عقد اتفاق ان الام متنازله عن نفقه الاطفال وعن حضانتهم وطبعا كل دة باطل 👌🏻
فالقانوني انك تتنازلى عن حقوقك الشخصيه دي حاجه انتي حرة التصرف فيها لكن حقوق أولادك مش من حقك تقرريها
#مشمنحقكالتنازلعنها ❗
انك تتنازلى عن حقك فى نفقة العدة المتعة مؤخر الصداق وكمان عقد الاتفاق دة مش من شروط سقوط الحضانة عن الام قانونآ ..
هل من الممكن أن يتم الحجز على ممتلكات الزوج في حالة عدم دفعه النفقة، وصدر حكم بحبسه لعدم التنفيذ؟
آه طبعا
لا تسقط نفقة الصغار بصدور حكم حبس الزوج لامتناعه عن سداد النفقة وتنفيذه للحكم، ومن حق الزوجة في هذه الحالة اللجوء إلى المحكمة لتنفيذ حكم الحبس عن المدة المطالب به والمحكوم به بالنفقة عن طريق الحجز التنفيذي عن طريق إدارة تنفيذ أحكام الأسرة بالمحكمة التابعة لها.
يتم ذلك بتوقيع الحجز التنفيذي على منقولات الزوج المحبوس أو ممتلكاته وبيعها بالمزاد العلني ويحدد موعد للبيع وتستوفي الزوجة متجمد النفقة المطالب به والمحكوم به بالحبس عنها🧑⚖️
🤚تعتبر نفقة الزوجة دينا على الزوج من تاريخ امتناعه عن الإنفاق مع وجوبه، ولا تسقط إلا بالأداء أو الإبراء
بقولها تاني لا تسقط النفقه إلا بالاداء أو الابراء
أوجبت المادة ٧٢ من القانون ١ لسنة ٢٠٠٠ علي بنك ناصر الاجتماعي أداء النفقات والأجور وما في حكمها مما يحكم به وفقا للقواعد التي يصدر بها قرار من وزير العدل وبناء على ما تقدم يكون للزوجة حق اللجوء بصرف نفقة المحكوم به من بنك ناصر في فترة حبس الزوج ويصرف لها نفقة شهرية المحكوم به باستمرار حتى لو بعد خروج الزوج وتنفيذه الحكم.
الموضوع ده مهم جدا للستات اللي طليقها مخوفها ومفهمها إنها مش هتعرف تنفذ عليه او تطول منه حاجه #شيروا_للافاده
وكمان البوست ده للرجاله اللي مفكره أن قضايا النفقه اخرها شهر حبس فقط لأ ده دين عليك ولاااازم ينقض اصرف علي أولادك بالمعروف أفضل
{ وَلَا تُضَارُّوهُنَّ لِتُضَيِّقُوا عَلَيْهِنَّ }
كم نفقة الطفل بعد الطلاق ؟
للأجابة عن سؤال كم نفقة الطفل بعد الطلاق , لابد من معرفة بعد الامور المهمه الاول منها مثلا هل العلاقة الزوجية قائمة بين الاب والام , وكم عدد الاخوات , وماهو متوسط دخل الاب …تعالو نتعرف على الموضوع بالتفصيل .
نفقة الاولاد ونفقة الزوجة :
• أثناء الحياة الزوجية الطبيعية فالاب يقوم بالانفاق على الاطفال بالشكل الذي يتماشى مع دخلة وبعيدا عن المنازعات القضائية .
• أما يتم الانفصال بين الاب والام ويمتنع الاب عن الانفاق يأتى هذا السؤال المهم ( كم نفقة الطفل بعد الطلاق ؟ )
متخافيش حقك في نفقة اولادك مش هيضيع
نسبة نفقة الاولاد من مرتب الاب :
• عكس ماهو شائع ليس هناك مسبة محددة للنفقة من مرتب الاب وانما النفقة تحسب حسب نوعها فالنفقة ثلاثه انواع :
- نفقة طعام
- نفقة ملابس
- اجر مسكن
وبالتالى عند حساب (نفقة الطعام ) مثلا يتم تقسمها لثلاث وجبات : - وجبة فطار
- وجبة غذاء
- وجبة عشاء
وبضرب قيمة الوجبة فى متوسط مثلا 15 جنيه مضروبا فى 30 يوم= 1350
المثال
15 (قيمة وجبه الفطار أو الغداء أوالعشا ) * 3 وجبات يوميا = 45 جنيه أجمالى * 30 يوم ( الشهر ) = 1350 جنيه شهريا
ودا طبعا تقريب للمعادلة الخاصة بحساب النفقة فلو حبينا نعرف كم نفقة الطفل بعد الطلاق ؟ هنعرف حاجات تانية زى :
• وضع الاب الاجتماعى ومتوسط دخله الشهري
• الاملاك الخاصة بالاب والعقارات التى يملكها
• ارصدته فى البنوك
• شهادات الاستثمار
• حالته الاجتماعيه هل هوا متزوج زوجة ثانية ام لا
• هل ينفق على امه او والده ام لا
• هل يعول شقيقته
المعايير كثيرة وطبعا كل دا امثله لتوضيح الفكرة بس الخلاصة :
ان نفقة الاولاد او نفقة الزوجة ليس لها رقم ثابت أو نسبة ثابته فى القانون وتختلف باختلاف الظروف والحالات والاشخاص .
وبالالتالى يتم تحديدها بناء على معايير كثيرة وبيدخل فيها حاجات كتيرة
وللتأكيد
ان اكبر اشاعه ان النفقة ربع مرتب الزوج لان النفقة ليست ربع مرتب الزوج من الممكن ان تزيد عن النصف او تقل عن الربع على حسب باقى المعايير الخاصة بحسابها .
متخافيش حقك في نفقة اولادك مش هيضيع
ازاى الزوجة تقدر تطالب بيها..؟ والفرق بين النفقة بنوعيها والنفقة بأنواعها ……..
نفقة الاطفال
القانون المصرى ألزم الاب بدفع نفقة شهرية للاطفال سواء الأم مطلقة ام العلاقة الزوجية مستمرة …..
ونفقة الاطفال دى نوعين
نفقة بنوعيها ودى بتشتمل على نفقة الطعام والملابس بدون أجر السكن وهنا نخلى بالنا ان الزوجة بيكون من حقها تعمل تمكين من مسكن الزوجية ……
والنفقة التانية نفقة اطفال بانواعها وهنا النفقة بشتمل على ثلاث حاجات مش حاجتين وهما نفقة الطعام والملابس وأجر السكن وهنا الزوجة مش من حقها تطالب #بالتمكين لانها بتطالب بأجر سكن…..
والسؤال هنا يفرق فى اية نفقة بنوعيها عن نفقة بانواعها؟
بيفرق فى التمكين من مسكن الزوجية الزوجة بتختار طريق من اتنين ياما التمكين ونفقة بنوعيها …او بتتنازل عن التمكين من مسكن الزوجية وتطالب بنفقة بانواعها
وبيختلف مقدار النفقة دى حسب نوع وطبيعه عمل الزوج وهنتكلم فى بوست مستقل عن تقدير النفقة
